Convocatoria – Andaina polo ensino público de calidade
Estimadas familias, medios e representantes municipais:
Desde a ANPA Valle Inclán convocamos a toda a comunidade educativa a participar este domingo 12 de outubro ás 12:00 h na Andaina polo ensino público de calidade, unha marcha reivindicativa que sairá do Monumento aos Avós (Parque José Martí), pasará pola rotonda do Che e rematará no CEIP Ramón María del Valle Inclán.
📣 NO NOSO COLEXIO FALTAN MESTRES.
Temos
unha oportunidade de conseguir que a Xunta solucione esta situación.
Se non actuamos agora, os nosos nenos e nenas afrontarán un curso
con menos medios ca en anos anteriores, poñendo en risco unha
educación inclusiva e de calidade, con perda de días lectivos e
impacto na atención á diversidade, no reforzo nas aulas e nos
proxectos didácticos (biblioteca, sección bilingüe, informática,
robótica, horto, excursións, etc.).
Para darlle colorido, visibilidade e ilusión aos máis pequenos, animamos ás familias a que os nenos e nenas veñan disfrazados de superheroe (ou do que queiran), cunha camisola ou capa na que poidan levar mensaxes reivindicativas como “Sen mestres, nin os superherois poden voar” ou “Superheroe si, pero necesito reforzos”. Queremos que a marcha sexa tamén unha celebración colectiva pola defensa do ensino público e pola unión da nosa comunidade educativa.
Esta andaina é unha das últimas accións previstas, polo que a vosa participación é clave. Canto máis se nos vexa e escoite, máis forza terá a nosa demanda.
💪 Animámosvos a vir en familia e apoiar o noso
colexio.
Entre todos e todas, podemos conseguir un
ensino público de calidade para o noso alumnado.
Grazas pola vosa colaboración e implicación,
