Falta de profesorado no CEIP Ramón María del Valle Inclán

Estimadas familias,

Ante a situación de falta de profesorado no CEIP Valle Inclán dende o inicio deste curso a ANPA Valle Inclán convocou unha asemblea extraordinaria urxente o mércores 24/09/2025 no noso colexio.

As familias asistentes acordaron comezar mobilizacións para facer presión e solucionar esta problemática que afecta a todo o alumnado do centro.

Como primeira medida terá lugar unha concentración ante o colexio o luns 29/09/2025 ás 15:45 horas (está solicitado o permiso pertinente).

Está previsto repetir as mobilizacións tódolos luns ata que a situación se resolva.

Solicitamos a colaboración das familias, do persoal do CEIP, do Concello de Oleiros e doutras ANPAs do Concello, para contar coa súa presenza e axudar na súa difusión.

Asemade, a Xunta Directiva trasladará ós medios de comunicación un escrito explicando a situación do centro e as medidas adoptadas ata o de agora.

Pregamos a vosa participación activa para visibilizar a grave situación do noso colexio e que cese a vulneración do dereito dos nosos fillos e fillas a unha educación inclusiva e de calidade.

Xunta Directiva ANPA Valle Inclán

Máis información premendo na seguinte ligazón:
Escrito enviado á Xefatura Territorial da Consellería de Ensino