⭐ NOVAS MOBILIZACIÓNS ⭐

A ANPA Valle Inclán segue a traballar para visibilizar a grave situación do noso colexio, para que cese a vulneración do dereito dos nosos fillos e fillas a un ensino inclusivo e de calidade.

⭐ Trala gran acollida da “Andaina polo ensino de calidade” do pasado domingo.

⭐ Tras visitar esta semana o pleno do Parlamento.

⭐ Tras reunirnos co Alcalde de Oleiros e a Concelleira de ensino.

⭐⭐⭐ A ANPA Valle Inclán está a coordinar novos actos de protesta, da man do Concello e de outras ANPAs.

📢📢📢 Este luns seguiremos loitando ante o colexio cunha nova concentración ás 15:45 horas.

👉🏼👉🏼 Pedimos a vosa colaboración !! Un pequeno esforzo pola nosa cativada !!

📢📢📢 Xa estamos xestionando unha nova manifestación para o domingo 26 (a previsión inicial era para este domingo 19, pero debido ó retraso na obtención do permiso por parte das autoridades competentes, vímonos na obriga de aprazala para garantir as medidas de seguridade precisas, así coma para facer a difusión axeitada).

👉🏼👉🏼 Estade atentos ás nosas redes, recibiredes novas moi interesantes!!

Grazas de novo pola implicación das familias, do Concello de Oleiros, da comunidade educativa e de todos aqueles que nos acompañan neste camiño cara a unha sociedade máis xusta, que seguiremos percorrendo con paso firme ata conseguir ser escoitadas por aqueles dos que depende a xestión axeitada dos nosos recursos públicos e que insisten en permanecer indiferentes ás necesidades da nosa cativada. Pequenos pasos, pero seguros.

Xunta Directiva ANPA Valle Inclán