Queixa ante a Valedora do Pobo admitida a trámite

Dado que a Consellería de Educación segue sen dar resposta formal á nosa petición dunha maior dotación de equipo docente no noso colexio, presentada por rexistro o 19 de setembro (si ten facilitado información ó respecto a través dalgúns medios de comunicación, con grandes titulares), a ANPA Valle Inclán rexistrou ante a Valedora do Pobo unha queixa o pasado luns 24 de novembro.

Hoxe a Valedora comunicounos que a nosa queixa foi admitida a trámite, polo que a Consellería de Educación dispón dun prazo de 15 días para facilitar á Valedora os pertinentes informes. Nese momento a Valedora daranos conta da súa actuación ó respecto.

Seguiremos informándovos.

Xunta Directiva ANPA Valle Inclán