Convocatoria asemblea extraordinaria 17/07/2023
Convocatoria asemblea extraordinaria urxente 03/05/2023
Acordos da asemblea ordinaria do 22 de novembro de 2021
Resumo dos acordos acadados na asemblea ordinaria da ANPA Valle Inclán do 22 de novembro de 2021 (acta aprobada na asemblea extraordinaria do 8 de abril de 2022)
Emprazamento: Sala de usos múltiples do Edificio Infantil - Primeiro Ciclo de Primaria do CEIP Ramón María del Valle Inclán
Asistentes: 49 nais e pais.
Hora de inicio: 18:25 h.
Hora de finalización: 20:08 h.
Antes do inicio da sesión, o novo equipo directivo do CEIP Ramón María del Valle Inclán, formado por Carmen Campo Fernández (directora), María Bandín Lamas (xefa de estudios) e María Fernández Porto (secretaria), preséntase na asemblea de socios, para mostrar a súa intención de colaborar coa ANPA sempre que sexa preciso. Fan unha chamada de atención con respecto á aparición de pancartas colgadas días atrás no centro escolar, xusto tralo anuncio da convocatoria desta asemblea. Pediron ós presentes que os asuntos a debater na asociación hanse de tratar a través das canles axeitadas, remarcando que non deben transcender provocando molestias ó resto da comunidade educativa.
ACORDOS
- Aprobación da acta da asemblea do 1 de setembro 2021 (punto 1 da orde do día).
- As contas do exercicio 2021, ata outubro, quedan aprobadas (punto 2 da orde do día).
- Presidencia e secretaría quedan vacantes na Xunta directiva da ANPA. Anúnciase a apertura de candidaturas para ocupar os cargos dispoñibles. Non aparecen persoas voluntarias, polo que quedan abertas as candidaturas á espera de novas incorporacións (punto 3 da orde do día).
- Proponse un novo servizo de xestión integral de comedor a través da empresa especializada Jardanay. Búscase profesionalizar os servizos, eliminando intermediarios e que a comunicación sexa directa entre as familias e a empresa, para unha mellor atención do alumnado. Deste xeito, conseguiríase ademais unha baixada substancial na cota de comedor para as familias, sen diminuír en ningún caso a calidade, tan só o modelo de xestión.
Tras someterse a votación, gaña por maioría non contratar a xestión integral, sendo o resultado 23 a favor, 24 en contra e 4 abstencións (punto 5 da orde do día).
- A causa do vencemento do contrato con ADC As Mariñas, amósanse tres presupostos de empresas susceptibles de asumir o servizo de extraescolares. Ademais de novos prezos, plantéxase unha renovación das actividades.
Tras someterse a votación, decídese seguir coa xestión actual, sendo o resultado 19 votos para ACD As Mariñas, 13 votos para Serocio e 0 votos para Move. Houbo 9 abstencións (punto 6 da orde do día).
- Dada a delicada situación do CEIP con respecto ós recortes de profesorado de PT e AL, neste curso a ANPA mobilizouse a través de distintas vías para chamar a atención da opinión pública e concienciar (mediante concentracións, notas de prensa, etc.) e tamén a través da vía administrativa, enviando oficios por rexistro oficial dirixidos á Inspección Educativa e á Xefatura Territorial da Consellería Cultura, Educación e Universidade, así como iniciando un expediente de queixa ante a Valedora do Pobo de Galicia (alto comisionado do Parlamento de Galicia para a defensa dos dereitos e liberdades que supervisa de oficio ou mediante denuncia a actividade da Administración da Comunidade Autónoma galega).
Decídese continuar coas reivindicacións, iniciando unha campaña antes do Nadal, animando ás familias a que escriban cartas dirixidas ós Reis Magos nas que se pida como desexo para o novo ano a dotación destes profesionais, para despois remitir todas esas postais á Xunta de Galicia (punto 7 da orde do día).
Proponse ademais recoller firmas para enviar un novo escrito á Consellería.
Recórdase ás familias socias que se queren revisar as actas completas aprobadas están a súa disposición na oficina da ANPA, previa cita.
En Perillo a 8 de abril de 2022
Xunta Directiva ANPA Valle Inclán
Convocatoria asemblea extraordinaria 08/04/2022
220408_CONVOCATORIA_ASEMBLEA_EXTRAORDINARIA.pdf
Convocatoria asemblea ordinaria 22 de novembro de 2021
CONVOCATORIA DE ASEMBLEA ORDINARIA ANPA VALLE INCLÁN
EMPRAZAMENTO: Sala de usos múltiples do Edificio Infantil - Primeiro Ciclo de Primaria do CEIP Ramón María del Valle Inclán
DÍA: 22/11/2021
HORA: 17:45 horas en 1ª convocatoria e 18:15 horas en 2ª convocatoria
HORA LÍMITE DE FINALIZACIÓN: 20:00 horas
ORDE DO DÍA:
1- Lectura da acta da asemblea do 1 de setembro de 2021. Aprobación se procede.
2- Estado de contas. Aprobación se procede.
3- Presentación de candidaturas para a renovación de cargos da Xunta directiva da ANPA, para cubrir vacantes dispoñibles. En caso de única candidatura, aprobación se procede.
4- Normativa do servizo de comedor.
5- Presentación do servizo de comedor con xestión integral, por vencemento do contrato con ADC As Mariñas. Aprobación se procede.
6- Presentación de empresas de actividades extraescolares, por vencemento do contrato con ADC As Mariñas. Presentación de novos servizos. Aprobación se procede.
7- Situación dos recortes dos/as docentes de apoio por parte da Xunta de Galicia. Captación de novas ideas para continuar coas reivindicacións.
8- Rogos e preguntas.
Agradeceremos a vosa presenza.
Queremos lembrarvos tamén a obriga de cumprir con tódalas medidas establecidas pola normativa sanitaria vixente para a prevención do COVID.
Moitas grazas de antemán por vir e participar activamente nesta asemblea.
Saúde e saúdos!
En Perillo a 15 de novembro de 2021
Xunta Directiva do ANPA do CEIP Valle Inclán
Acordos asemblea extraordinaria 16 de xullo 2021
Acordos acadados na asemblea extraordinaria
da ANPA Valle Inclán do 16 de xullo de 2021
(acta aprobada o 1 de setembro de 2021)
Emprazamento:
Sala de usos múltiples do Edificio Infantil - Primeiro ciclo Primaria do CEIP
Ramón María del Valle Inclán
Número de pais e
nais presentes: 19
Socios representados/voto
delegado: 3
Hora real de
inicio: 18:15 horas
Hora de
finalización: 20:08 horas
ACORDOS
- Aprobación
da acta anterior do 25 de xuño de 2021 por unanimidade (punto 1 da orde do día).
- Cambio
de catering. Apróbase Jardanay como nova empresa por unanimidade dos presentes
(punto 2 da orde do día).
- Apróbase favorecer a retirada do centro das instalacións modulares, dadas as condicións de insalubridade e a presenza de ratos no patio do colexio. De entre todas as propostas expostas e debatidas, apróbase por maioría a única solución viable para levar a cabo isto dentro do prazo dispoñible: a doazón da cociña ó Concello de Oleiros para o seu traslado a Guatemala, con dous votos en contra e catro abstencións (punto 3 da orde do día).
Recórdase ás familias socias que se queren revisar as actas completas aprobadas están a súa disposición na oficina da ANPA, previa cita.
Convocatoria asemblea extraordinaria 1 de setembro de 2021
Acordos asemblea 25 de xuño
Acordos acadados na asemblea do 25 de xuño
de 2021
(acta aprobada na asemblea do 16 de xullo
de 2021)
Emprazamento: Auditorio
de A Fábrica
Número de pais e
nais presentes: 16
Hora real de
inicio: 18:18 horas
Hora de
finalización: 19:52 horas
ACORDOS
- Aprobación do novo logotipo
da ANPA Valle Inclán (punto 2 da orde do día).
- Aprobación dunha única cuota familiar por curso de 35€ (punto 3 da orde do día).
Recórdase ás familias socias que se queren revisar as actas completas aprobadas están a súa disposición na oficina da ANPA, previa cita.
Convocatoria asemblea extraordinaria 16 de xullo 2021
ORDE DO DÍA:
Convocatoria asemblea extraordinaria 25 de xullo 2021
CONVOCATORIA ASEMBLEA EXTRAORDINARIA DA ANPA VALLE INCLÁN
EMPLAZAMENTO: Auditorio de A Fábrica (Rúa do Inglés, s/n – Perillo)
DÍA: 25/06/2021 HORA: 18:00 horas en 1ª convocatoria e 18:15 horas en 2ª convocatoria
HORA LÍMITE DE FINALIZACIÓN: 20:30 horas
ORDE DO DÍA:
- Presentación da nova Xunta Directiva da ANPA.
- Novo logo para a ANPA Valle Inclán. Mostra e aprobación se procede.
- Revisión da cota de socio da ANPA. Aprobación se procede.
- Banco de libros.
- Módulos e cociña. Situación actual. Propostas e posibles solucións. Toma de decisións.
- Mañanceiros, Comedor, Extraescolares. Novidades e presuposto para o curso 2021/22.
- Rogos e preguntas.
O carácter extraordinario da asemblea está xustificado pola necesidade de votar algunhas cuestións apremiantes. Agradeceremos a vosa presenza na medida do posible.
O espazo cedido poderase ocupar nun 30% da súa capacidade, o que supón un total de 50 persoas. Queremos lembrarvos tamén a obrigación de cumprir con todas as medidas establecidas pola normativa sanitaria vixente para a prevención do COVID.
Moitas grazas de antemán por vir e participar activamente nesta asemblea.
Saúde e saúdos!
En Perillo, a 21 de xuño de 2021
Xunta directiva ANPA del CEIP Valle Inclán