Xoves 8/5/2025 - 16.15h: Escola de familias “Fomentando a autonomía nas tarefas escolares”

Boas!!

Aínda estades a tempo de apuntarvos na terceira charla da Escola de Familias, “Fomentando a autonomía nas tarefas escolares”.

Aprenderemos como funciona o cerebro dos nosos fillos cando estudan, e que factores inflúen na adquisición de aprendizaxes duradeiras e profundas. Nesta charla coñeceremos as claves dos aliados da aprendizaxe, aqueles que nos axudan a crear un ambiente educativo máis eficaz e estimulante.

A actividade está dirixida a toda a comunidade educativa (pais, nais e docentes) e será facilitada por Clara Rodríguez, orientadora educativa con ampla experiencia en educación formal e formación de futuros docentes.

Lembrade, están programados dous obradoiros máis:

- Xoves 15/5/2025: “Xestión do tempo en educación primaria” (dirixido a Ed. Primaria)

- Xoves 22/5/2025: “Acompañamento emocional na primeira infancia” (dirixido a Ed. Infantil)

Será unha moi boa ocasión para aprender a axudar á nosa cativada.

ANIMÁDEVOS!

Xunta Directiva ANPA Valle Inclán

IMPORTANTE:

A inscripción realizarase no seguinte formulario: Inscripción Escola de Familias

O prazo de inscripción nos obradoiros finaliza dous días antes da celebración de cada un deles.

A ANPA pon a disposición dos asistentes un servizo de canguraxe para poder atender á cativada durante a celebración da Escola de Familias (entre as 16:00 e as 18:00 horas). Para facer uso del é imprescindible inscribir ós menores previamente a través do formulario.

Os asistentes non socios da ANPA deberán abonar unha cota de 4€ por obradoiro. A cota deberá abonarse en efectivo no local da ANPA (horario de luns a venres de 16:00-18:00h ).