Charla aberta: “O acollemento familiar: unha oportunidade para a rapazada no sistema de protección”

Bo día familias!

O Concello de Oleiros, desde o Programa de Familias Inquedas, organiza en colaboración coa Asociación ACOOUGO unha charla aberta o vindeiro xoves 8 de maio ás 18:30 h no Auditorio das Torres de Santa Cruz.

O título da charla é “O acollemento familiar: unha oportunidade para a rapazada no sistema de protección” e será impartida polo equipo técnico da Asociación ACOUGO, unha ONG comprometida co benestar da infancia.

A defensa das persoas menores de idade que están dentro do sistema de protección á infancia é o gran compromiso desta entidade, ofrecendo o seu apoio a familias, administracións e sociedade en xeral para acadar este obxectivo.

O fin desta charla é dar a coñecer as distintas actividades e programas que se impulsan e leva a cabo dende a Asociación ACOUGO para protexer a infancia, dende o apoio a familias acolledoras como os diversos proxectos nos que a sociedade pode colaborar para ser referente de persoas menores de idade que están dentro do sistema de protección.

Non é necesaria a inscrición previa para asistir a charla.

Haberá un servizo de conciliación para aquelas persoas que o precisen. Para facer uso deste servizo teñen que contactar no 622672188 ou ben a través do enderezo electrónico info@acougo.gal

Agardamos que sexa do voso interese.

Xunta Directiva ANPA Valle Inclán