O NOSO COLEXIO, ESPAZO SEN FUME

Boas !

Este curso a ANPA suxeriu no Consello Escolar que se buscase no colexio unha forma de concienciar tanto ó alumnado como ás familias e ó persoal do centro educativo de que a escola debe ser un espazo libre de fume, facendo fincapé nos perigos do tabaco tanto para a saúde como para o medio ambiente.

Adoptouse a decisión de colocar carteis no exterior do centro, sinalizando de forma creativa o cumprimento da normativa e a recomendación de non fumar nos espazos circundantes do colexio.

Para elo organizouse un concurso de debuxo entre o alumnado, que foi o encargado de deseñar e elixir os carteis que se situarán nas portas do noso colexio.

Agardamos que esta iniciativa conxunta sirva para fomentar hábitos saudables entre toda a comunidade educativa.

https://www.edu.xunta.gal/centros/ceipvalleinclanoleiros/node/1996