Banco de libros ANPA Valle Inclán curso 24-25

Este ano foron 20 familias de 3º de primaria as que doaron os seus libros e, polo tanto, serán tamén  as beneficiarias dos mesmos, coa fortuna de poder atender case todas as solicitudes que recibimos. No caso de 4º de primaria, o número de familias que doaron é tan so de 5, polo que quedaron moitas solicitudes sen poder atender. 

O criterio seguido para o reparto foi o seguinte: primeiro otorgáronse ás familias socias da ANPA que doaron libros este ano, despois ás familias socias que non doaron, a continuación ás familias non socias que doaron e, por último, ás familias non socias que non doaron. En igualdade de condicións realizouse sorteo.

Os lotes de libros para as familias beneficiarias repartíronse entre onte e hoxe.

Para rematar, gustaríanos salientar a importancia das doazóns. Animádevos a doar, aínda estades a tempo de axudar a outras familias e participar na economía circular!