Xornada de formación para familias de Educación Primaria "Comprendendo e acompañando o desenvolvemento dos nosos fillos e fillas"
Data: Sábado día 11 de abril
Horario: De 9:00 a 14:00 horas
Lugar: Sede Federación Prov. ANPAS da Coruña. Rúa Orzán nº 21 15001 A Coruña
Impartida por: Lorena Cotelo (Terapeuta Ocupacional) e Jacobo Mosquera (Educador Social)
Durante a sesión abordaremos de maneira clara e útil temas clave do desenvolvemento infantil
Desenvolvemento infantil: Como crecen e aprenden os nenos e nenas, e que esperar en cada etapa.
Sinais de alerta: Que observar para detectar posibles dificultades a tempo.
Dificultades de aprendizaxe e TDAH: Comprender estes desafíos e saber como actuar desde casa e en colaboración coa escola.
Conduta: Estratexias para acompañar o comportamento infantil desde o respecto e a empatía.
O labor educativo da familia: Como inflúe a contorna familiar no desenvolvemento persoal e escolar.
Educación consciente no fogar: Ferramentas para criar con presenza, afecto e límites saudables.
Esta formación está deseñada para que saiades con recursos concretos, ideas prácticas e unha maior comprensión das necesidades dos vosos fillos e fillas. Haberá espazo para preguntas, intercambio de experiencias e resolución de dúbidas, nun ambiente próximo e participativo
Facede a inscrición, con data límite do día 9 de abril, no enlace seguinte.
Saúdos
Xunta Directiva Federación Prov. Anpas
https://forms.gle/N9MnfLt8SJpJqT4v8